Хятадын баруун өмнөд хэсгийн Сычуань мужийн Гуанхан хотын Саншиндүй балгасаас 3200-4000 жилийн өмнөх зургаан “тахилын нүх” шинээр олдсон тухай бямба гаригт болсон хэвлэлийн бага хурлын үеэр мэдээлжээ.

Тус газраас алтан маск, хүрэл эдлэл, зааны яс, хаш чулуу, нэхмэл эдлэл зэрэг 500 гаруй олдвор олджээ.

Анх 1929 онд олдсон Саншиндүй дурсгал нь ерөнхийдөө Хөх мөрний дээд урсгалын дагуух хамгийн чухал археологийн дурсгалт газруудын нэг гэж тооцогддог.Гэсэн хэдий ч 1986 онд тахилын ёслолд зориулагдсан гэж үздэг хоёр нүх санамсаргүй байдлаар илэрсэн үед л газар дээр томоохон хэмжээний малтлага хийж эхэлжээ.Тэр үед 1000 гаруй олдвор олдсон бөгөөд үүнд чамин үзэмж бүхий хүрэл эдлэл, хүч чадлын илэрхийлэл болсон алтан эдлэл олдсон байна.

Ховор төрлийн хүрэл савЗунбөөрөнхий хүрээтэй, дөрвөлжин их биетэй нь Саншиндүй газраас шинээр олдсон эд зүйлсийн нэг юм.